گجله لر یاغیشی
صداخوانی: لیلا عباسی
آواز: استاد رشید بهبودوف
تنظیم: آرتا رحیمی

دونن آخشام چاغی سن سیز منی آغلاتدی یاغیش
یادیما سالدی سنی، مطلبینه چاتدی یاغیش
کوچه لر اؤلدو گوزومدن، یئنه بیر آرپاچایی...
منی سن سیز نئجه نیسگیل سئلی نه آتدی یاغیش
اؤدو سوندور مئیه سو قایداسی دیر آمّا دونن
کؤزَه رَن کونلومو یاندیقجا آلوولاتدی یاغیش
دامجی دامجی سنه لای لای دئدی قوینومدا منیم
نه دئییم بلکه سنی کورپه یه اوخشاتدی یاغیش
یادیما سالدی یاغیش لیق گونو کی اوندا منی
کپنک تک باشینا شوقیله اویناتدی یاغیش
دوداقین قیرمیزی گوللر کیمی آچمیشدی سنین
سوزولن واقت او دوداقلاردا قانا باتدی یاغیش
دونن آخشام چاغی بیر سودا گوردوم کی منه
آجیلیقلا او شیرین خاطیره نی ساتدی یاغیش
اویانیردیم کی باشیم دئیدی ملامت داشینا
منی رؤیادان آییدماقدا اؤزو یاتدی یاغیش



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کانالهای ما
https://vimeo.com/artatv
http://www.namasha.com/artamat
https://www.youtube.com/ArtaMat3880
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
پیشنهاد ما
کانال ادبی "شعرنوش" در تلگرام
https://telegram.me/shernosh