سیت بیارم ،سیت بیارم ،چارکی ده گوشت بره
بونیتو و شونه دوما تفنگ پس نقره
سیت بیارم سیت بیارم،باری گل باری حنا
حنایا سی دس و پاته ، گلیا سی سر جات
ژیره کوفتم ، ژیره بختم ، گرت ژیره وم نشس
شادوما د در دراوما ، سر تا پا گل وم نشس
ای انارون نشگنی تو ، مر ایما انار حریم
سوزکیونه زین کنیتو، ایما نیش عروس بریم
ای برارو ، ای خوورو، سر من قربونه تون
ای قدر خدا نکوشم، سی حنا ونونه تون
پیلی بستم پیلی بستم چو چنار و شلتی انار
شادوما زیه و سرش سرکرده سیصد سوار
چی کنیم؟ چی نکنیمو؟ دس خوورمون ها برنش
دور خیمه ش گل بکاریم جای دیری نبرن
عروس نگریو ایچه ده اوچه بیتره
ای هوسیره که تو داری، د شکر شیرین تره